اسكريبت القاضي الشيطان بقلم شروق حسام

شهور الوحم خلصت أنا شكلي النهاردة مش هقدر أنام من الريحة 
كملت بتنهيدة خليكي هنا خلصي أكل علي ما أنزل أجيب معطر جو من تحت 
وبالفعل رنا نزلت وإشترته وهي راجعة إتعرض لها واحد من البلطجية بتاع الحي
_ إيه يا مزة رايحة فين كده أنا أول مرة أشوفك هنا أول مرة أعرف إن الشارع الفقر ده في حلويات كده 
رنا مردتش عليه وكملت مشي وهو ماشي وراها بالموتوسكل ومكمل معاكسة فيها آخر ما زهق نزل من الموتوسكل وكان هيقرب منها ويمسكها من إيديها بس هي كانت أسرع منه ومشيت بسرعة وهو وقع علي الأرض وإيده ممدودة زي الأهبل
جارها كان شايف اللي بيحصل وكان هيدخل بس يا عيني كانت جزمة رنا إتدخلت وسبقته
ونزلت فيه ضړب وتهزيق وهو بقي ېصرخ زي الستات ومحدش في الشارع حاشها عنه لأنه يستاهل وسمعته الزفت سبقاه
بعد ما خلصت لبست الجزمة تاني وضړبت إيده بيها وهو صړخ بۏجع أكتر من كل مرة ضړبته بيها
عدلت وقفتها ورفعت رأسها بشموخ وكبرياء ومسكت الكيس اللي فيه المعطر وكملت مشي لحد البيت بكل هيبة هيبة مش موجودة أصلا
هو كان شايف كل ده وعمال يضحك بصوت عالي موبايله رن وهو رد وهو مكمل ضحك
_ هههههه آلو 
_ آلو ها حصل إيه 
_ هههههه حصل كل كل خير 
_ يابني بتضحك علي إيه 
_ هههههه 
_ عصام كمل ضحك وهتلاقيني رازعك بلوك محترم وأنت عارف إن لما ببلك حد مش بفك البلوك مهما كان إيه السبب 
عصام بدأ يحكي له كل حاجة وهو مكنش رد غير حاجة واحدة
_ عصام إسكت وكمل اللي بتعمله ولا أنت حبيت ووقعت علي جذور رقبتك 
عصام پصدمة بعد الشړ علي رقبتي لا طبعا أحب مين أنا آخرى أتكلم شوية أخرج أما حب لا وألف لا 
_ شكل البت دي هي اللي هتعدل حالك المايل معرفش إزاي أنا مستحملك لحد دلوقتي 
_ عشان صحاب من إعدادي مثلا وعشرة عمر 
_ المهم سيبك من كل ده عملت كل اللي قولتلك عليه 
_ اه ده حتي أمنية أختي بعتتلهم فسيخ ورنجة وسردين بدل ما مثلا تبعت كيكة الهبلة 
رد بتنهيدة المهمة إنها تكون بخير أنا بليل بالكتير وهكون موجود وقول لأمنية ترجع البيت عندكم عشان مينفعش أقعد معاك وهي موجودة وعشان هبات 
_ تمام تمام مش مشكلة يا سيفو 
سيف بقرف سيفو !!! كتك القرف يا شيخ قفلتني هو إيه اللي يخليني أنا القاضي الشيطان أستحملك أنا كنت سجنتك أحسن 
قفل المكالمة في وشه وعصام بص للموبايل وفضل يضحك لأن دي مش أول مرة يقفل المكالمة في وشه ومش أول مرة يعيد عليه نفس الجملة
القاضي_الشيطان 
شروق_حسام
الجزء السادس بقلم شروق حسام 
بليل
كانت رفيف قاعدة علي السرير وبتعيط بإنهيار وصوت عياطها كان واصل لسيف اللي كان عايز يروح لها بس عصام منعه
رنا بخضة أهدي يا رفيف بټعيطي ليه دلوقتي ما أنت كنت كويسة وبتتفرجي علي المسلسل 
رفيف پبكاء شوفت...شوفت... فيديو حزين...بعد ما المسلسل...خلص 
رنا پصدمة وهي حاسة بأعراض شلل فيديو !!! 
_ اه البنت كانت بتكلم صاحبتها علي موقف حصل لها وإنها قطعت كلام مع واحدة صاحبتها عشان صاحبتها التانية اللي بتحبها أخوها سمع نص الكلام وراح لمامتهم وقالها اللي حصل وحط التاتش بتاعه وقالها إنها خصمت صاحبتها عشان واحد كانت تعرفه و الخناقات حصلت ما بينهم عشان الشخص ده والأم نزلت في البنت جلد ومحدش صدقها أنا بجد مش قادرة حاسة پقهرة مكانها 
رنا بهمس إنها الهرمونات 
كملت وهي بتحضنها وبتواسيها أهدي يا ريو أكيد ربنا عمل كده عشان سبب أهدي 
رفيف كانت بټعيط ورنا بتطبط عليها وبتهديها وكل ما تهدي ترجع تفتكر وټعيط لحد ما رنا بعدت عنها وجابت لها لوح شيكولاتة وهي سكتت وعينيها لمعت بفرحة ونسيت كل اللي حصل أكلته وبعدين بدأت عينيها تقفل وراحت في ثبات عميق كعادتها وبقي نومها تقيل عكس الأول كانت بتصحي من أقل حركة تحصل جنبها
رنا إتنهدت وحضنتها بسرعة وراحت علي أوضتها عشان تنام وترتاح
عكس سيف اللي مكنش مرتاح وكان علي ڼار وعايز يعرف هي كانت بټعيط ليه هو خاېف عليها وعلي إبنه أيوه خاېف عليها لأنها مراته وأم إبنه مش أكتر ولا أقل وده اللي كان بيحاول يقنع بيه نفسه
عصام بتريقة وهو بيفكره بكلامه اللي قالهوله قبل كده دي أم إبن بس 
_ يا كداب ده أنت قادر ومفتري وكنت تقدر ترجع إبنك ڠصبا عن أنف الكل بس أنت عايزها هي مش كده 
سيف بتوتر أخرس يا عصام يا حبيبي أنا مش عايز حاجة غير إبن وبس 
عصام كام لسه هيرد عليه بس سيف سابه ودخل ينام
_ لا حول ولا قوة إلا بالله يعني أقول الحقيقة مش عاجب ولو كدبت مش عاجب إيه العالم دي بس 
_ سمعتك يا متخلف أدخل نام أحسن هكسر عضمك وساعتها ولا هتعرف تنام ولا هتطيق إنك تفضل صاحي 
_ نام ولا عايز الجن اللي في البيت يأكلك 
عصام بهمس شكله عليه جن أو بيكلمهم ههههههه 
وبالفعل عصام دخل الأوضة التانية ونام
عدي شهر وكام يوم ورفيف بقت علي أبواب الشهر التاسع
وفي الشهر ده كانت أمنية بتيجي الشقة الصبح وتمشي العصر وفي الوقت اللي كانت بتبقي موجودة فيه كانت بتحاول تقرب من رنا ورفيف وبالفعل نجحت وبقت تقعد معاهم في الشقة وبيفضلوا يتكلموا بالساعات ويهزروا
لحد ما رفيف إرتاحت لها وقالت لها علي كل اللي حصلها
_ بس أنت غلطانة مش بس غلطانة لا وكمان أنت ساذجة ومغفلة 
رفيف بضيق ليه بس الغلط يا موني 
_ بقولك الحقيقة أنت ليه تضحي بنفسك وتتجوزي واحد أنت متعرفيش عنه حاجة ولا أصله ولا فصله بس عشان تنقذي خطيبك اللي هو أصلا ميستحقش كل ده 
_ عشان...عشان 
_ عشان إيه بس 
رفيف بتنهيدة عشان كنت بحبه ومتعلقة بيه لأن من بعد ۏفاة أهلي وأنا مبقاش ليا حد في الدنيا دي لحد ما شوفته وإتخطبنا وإتعلقت بيه وبقي زي الونيس ليا في الدنيا دي وبقي يشغل جزء كبير من حياتي ويومي 
_ أولا ده إياكي تسميه حب عارفة ليه 
_ ليه 
_ عشان لو كنت بتحبيه كان زمان قلبك بيوجعك علي اللي عمله بس بالعكس أنت يومين بالتمام والكمال وكنت نسيتيه أصلا 
_ ثانيا بقي وده الأهم حاولي تدي لجوزك فرصة تانية مش عشانك ولا عشانه عشان خاطر اللي في بطنك سيف أكيد يستحق فرصة 
_ سيبك من اللي عملي فيها قاضي العالم السفلي ده أنا القاضي الشيطان نينينينينيني أنا اللي فيا وبيا وعليا المفروض يقول أنا حيوان عايز ضړب الڼار 
رفيف سكتت للحظات وبعدين بدأت تستوعب اللي إتقال
_ ثانية كده أنت إيه اللي عرفك إن جوزي إسمه سيف أنا مقولتش إسمه أصلا 
_ لا قولتيه وسط الكلام 
_ أمنية 
أمنية بتوتر بصي هقولك كل حاجة