اسكريبت القاضي الشيطان بقلم شروق حسام
راجعة له
قبل ما يتكلم ويرد عليها كانت رنا ماسكة ماسورة الستارة الحديد وضړبته بيها علي رأسه بكل قوتها فوقع مغمي عليه
رفيف بخضة أنت عملتي إيه يا مچنونة
_ أنقذت حياتك يا حبيبتي يلا بسرعة هنمشي من هنا
رنا دخلت بسرعة لمت الهدوم بتاعتها اللي مكنوش كتير وحطتهم في الشنطة وخدت شوية الفلوس اللي كانت مخبياهم وبعدين خدت رفيف وخرجوا من الشقة بسرعة
بعد ساعات طويلة
كانوا وصلوا مع صوت آذان العصر لحي البراجيل في الجيزة
_ أقعدي علي المصطبة هنا لحد ما أسأل عن شقة للإيجار هنا
وبالفعل رنا فضلت تسأل لحد ما أخيرا بعد ساعة من التدوير لقت شقة فاضية في آخر الشارع إيجارها 1000 جنيه ومفروشة في الأول إستغربت لأن السعر يعتبر قليل علي الشقة دي بالذات إنها مفروشة فالرجل وضح لها إن صاحب المكان ربنا فاتحها عليه وسافر برا وسايب الشقة دي للإيجار بالسعر ده للي عايز يسكن فيها
إبتسمت بسعادة وخدت رفيف وطلعوا علي الشقة اللي كانت نظيفة جدا رنا راحت ناحية الثلاجة لقت فيها أكل كتير إستغربت وإتصدمت بس رجعت إفتكرت كلام الراجل إن صاحب المكان سافر فهتلاقيه سافر قريب وسايب الأكل ده
رنا بصوت عالي نسبيا رفيف إرتاحي شوية علي ما أعمل الأكل
رفيف قامت وراحت عندها وسألتها بإستغراب
_ هو فيه هنا أكل أصلا يا بنتي
_ اه فيه في التلاجة شطل صاحب البيت سابهم قبل ما يسافر
رفيف فتحت التلاجة وبصت له بإستغراب فالحاجة باينة إنها لسه فريش
إتنهدت بعدم إهتمام وقالت تمام أعملي منهم وهنبقي ندفع حقهم كويس إز أنا سحبت فلوس من الفيزا مش فاهمة مين اللي يحط 4 سبعات باسورد
كملت بتريقة وعاملي فيها وحش أنت متعرفيش أنا مين أنا القاضي الشيطان اللي وأخد من إبليس كل صفاته من مكر وكده وخداع نينينينينيني
رنا إنفجرت من الضحك ومعدتها وجعتها من الضحك ورفيف بتكمل تريقة عليه
رفيف بتنهيدة ۏجع لو مكنش دخل حياتي كان زماني دلوقتي متجوزة أنا وصديق
_ بت متجبليش سيرة الكائن ده أنا مش بطيقه والحمد لله إنه بعد عنك ده كان بيضحك عليكي وبيوهمك إنه بيحبك فوقي بقي
_ يووووه بقي يا رنا علي فكرة هو بيحبك وبيعتبرك زي أخته
رنا بسخرية أخته
كملت بهدوء بصي يا رفيفو أنا مكنتش هقولك بس الأستاذ كان بيحاول دايما يكلمني ويجرني في الكلام عشان أحبه وكده بس أنا طبعا رفضت وحتي لو مش مصدقاني خدي شوفي الشات أنا كنت أخذت إسكرينات للشات شوفيهم
رفيف بدأت تتفرج علي الشات پصدمة وقهر
_ يعني سيف كان عنده حق في اللي قاله وإن القواضي اللي عليه دي كانت حقيقية يعني أنا ضحيت بنفسي عشان حد ميستاهلش
_ أهدي وحاولي تفكري بعقلك أكتر بعد كده ما تدي لسيف فرصة يمكن تكملوا سوا وتحبوا بعض
رفيف بشرود أنا وسيف زي الليل والنهار وزي الشرق والغرب والأهم من كل ده زي الملاك والشيطان وإستحالة نحب بعض
_ أنا ملاك وقعت في إيد القاضي الشيطان
القاضي_الشيطان
شروق_حسام
الجزء الخامس بقلم شروق حسام
عدي شهر
ورفيف بقت في أوائل الشهر السابع ومبقتش تقدر تتحرك كتير وبقي كل وقتها علي السرير أو بتأكل بشراهه معملتهاش حتي في شهور الوحم
رفيف بدهشة وهي ماسكة لوح الشيكولاتة وكيس الشيبسي وبتأكلهم الإتنين مع بعض كأن الشيكولاتة دي كاتشب
_ إيه التخبيط ده يا رنا
رنا بعدم إهتمام شكل كده في حد هيجي يقعد في الشقة اللي جنبنا بعد ما السكان اللي كانوا فيها مشيوا من أسبوعين
_ اه وبعدين
_ ولا قبلين ركزي أنت بس في الشيكولاتة والشيبسي اللي بتأكليهم وجعتي معدتي يا شيخة
_ إسكتي أنت إش فهمك في الأكل الراقي القمر ده
رنا بضحكة عالية راقي !! شكلك كده من ساعة ما بقيتي حامل وعقلك طار منك
رفيف بعبوس أنت قصدك إيه قصدك إن إتجننت يا رنا أخس عليك أنا خلاص مش عايزة أعرفك تاني
رنا برفعة حاجب كملي كملي وبعدين يا فنانة
_ أنا هبيعك لتجار الأعضاء يظبطوكي
رنا پصدمة مصطنعة إيه ليه بس ما أنا هادية
_ لا مش هادية نديهم إيه يا رفيف نديهم إيه الأول اه لقيتها الكبد كبد لسه فريش حاجة كده عسل هأخد عليه نص مليون دولار ولو هيتكلموا هبيعه ب 10 جنيه
_ والقلب قلب بيضخ ډم وشغال 10 علي 10
رنا بضيق مصطنع قل أعوذ برب الفلق بعد الشړ يا بت سيبي كبدتي وفشتي في حالهم وبالذات قلبي سيبيه في حاله هو أصلا تعبان ومش لاقي مين يحتويه
رفيف بضحكة عالية سنجل بائسة
في الوقت ده الباب خبط ورنا راحت فتحت الباب وهي مكملة كلام مع رفيف أول ما فتحت الباب إتصدمت وبعدين رجعت قفلته تاني بسرعة
رفيف بإستغراب فيه إيه رنا مين اللي كان بيخبط
رنا بأنفاس متسارعة أنا باين حبيت باين إيه أنا خلاص حبيت يا رفيف أخيرا شوفت فارس أحلامي طول بعرض بعضلات فتاكة وشعر سايح ونايح لونه أحمر سيكة أكاد من فرط الجمال أذوب أذوب إيه أنا خلاص ذوبت من زمان من زمان أوي أوي
رفيف بضحك حب من أول طرقة باب ههههه روحي إفتحي للراجل شوفيه عايز إيه
رنا فضلت تمسح علي هدومها بمحاولة إنها تعدلها وتبان إنها في كامل شياكتها وأناقتها
فتحت الباب وجت تتكلم إتصدمت لما ملقتش حد واقف أول ما شافت كده كانت تكة وهتعيط بس بتمثيل مش جد
قفلت الباب ورجعت كلمت رفيف فارس أحلامي راح راح مع الطيار أنا فقر من يوم يومي ههههه
الباب خبط تاني وهي عشان كانت واقفة جنبه فتحته بسرعة ولقت واحدة واقفة قدامها
البنت بكسوف إحم إتفضلي
رنا خدت منها الشنطة وهي جريت علي بيتها بسرعة
فتحت الشنطة وبصت لها بتعجب لقيتها رنجة وسردين وفسيخ
أول ما شافت كده كانت هتتقيئ بس مسكت نفسها
رنا بهمس مش بحبك يا جدع
دخلت حطت الشنطة علي الترابيزة وفتحت الثلاجة وخدت منها طبق بسبوسة بالقشطة كانت عملاه وراحت ظبطت شكله وحطته في شنطة وخرجت خبطت علي بيت جيرانهم وفضلت مستنية إن حد يفتح
الباب إتفتح ولسه كانت هتتكلم فتحت بؤها ببلاهة وهي شايفاه قدامه شايفة الفارس الوسيم اللي شافته من شوية وطلع جارهم
بص لها بإستغراب ورفعة حاجب وإتكلم نعم عايزة حاجة يا آنسه
رنا بلعت ريقها وإستعادت هدوئها ومدت إيديها بالشنطة وقبل ما يتكلم كانت هربت علي الشقة
دخلت وسندت بظهرها علي الباب وإيديها حطتها علي قلبها اللي بينبض پعنف
قطع كل ده منظر رفيف اللي شافتها بتأكل الفسيخ والرنجة والسردين بشراهه وتحط حتة من دي علي حتة من دي
رنا بإشمئزاز من أمتي وأنت بتأكليه يا هانم
رفيف وهي مصوبة كل تركيز في العملية التشريحية الصعبة اللي بتعملها ألا وهي إنها تشيل الجلد والشوك من السمكة اللي يعتبر إنها نوع سمكة معفنة
_ نفسي جت عليه
رنا وهي شوية وهتعيط هي مش
