يوميات مراهقه بقلم إيمان شلبي
وكأن الحمل زاد الطاق!
وكأن في جبل علي قلبي
وقتها مسمعتش منه كلام يرضيني أبدا
بل بالعكس هو حتي نظرته ليا اختلفت تماما من اليوم ده
قالي كلام مفيش قلب ممكن يستحمله
لسه كلامه اللي قاله بكل قسوه بيتردد في ودني
انتي مش صح
انتي كده بنت مش كويسه أبدا
تصدقي كنت بحترمك لكن دلوقتي نزلتي من نظري !
امممممم حربايه عايزه ټخطفي واحد من خطيبته
بقولك ايه قومي قومي اوصلك البيت بلاش كلام فاضي وشغل عيال
ضحك بسخريه
قال عايزه تطلع دكتوره قال هه ابقي قابليني لو وصلتي لحاجه أنتي اخرك تتجوزي وتعلقي شهادتك علي الحيطه
وقتها ندمت ندم عمري اني حكيتله
مكانشي اول شخص اثق فيه ويخذلني
تقريبا كان الشخص المليون
يمكن كنت تايهه في حياتي عشان مش لاقيه الشخص اللي ينصحني
يمكن مكنتش بقدر اتحكم في مشاعري وكل شخص بقابله يهتم بيا أو يحسسني أني فارقه قلبي يحبه ويجري وراه زي المچنون
يمكن كنت بعمل كده لاني كنت محتاجه الحنان اللي بجد!
فوقت من ذكرياتي وانا بتنهد بحزن وبمسح دموعي
شويه ودخلت خالتو عليا الأوضه وهي بتقرب مني بابتسامه
صباح الخير يادكتوره
صباح النور ياخالتو
ها مستعده لاول يوم في الكليه
رديت بحماس
جداااااا
بصتلي بحزن
محمد كان نفسه هو اللي يوصلك اول يوم في الكليه بس ...
قاطعتها بابتسامه بهتانه
عارفه ياخالتو عارفه أن مراته مش بتحبني ولا بتحب سيرتي حتي لكن حقها
نفسي افهم هي ليه مش بتحبك مع أن كل اللي يشوفك يحبك ازاي هي محبتكيش
حقها ياخالتو انا لو مكانها هغير انا مش اخت نوح انا بنت خالته يعني نجوز لبعض
ضحكت وهي بتحضني
عارفه يابت ياكنزي لو كنتي بس كبيره شويه كنت جوزتك الواد محمد
ابتسمت بحزن وانا بفتكر اللي حصل اول ما اعترفت بمشاعري لشخص مقدرش يفهمني أو حتي يرفضها بلطافه ومن غير ما يكسر قلبي
رايحه فين يابنتي ده مش طريق الكليه
ابتسمت ابتسامه جانبيه وانا بحط النظاره فوق عيني وبسوق العربيه اللي ماما جابتهالي بمناسبه نجاحي في الثانويه العامه وبعدها رجعت لجوزها اللي اتجوزته بعد بابا وسابتني لوحدي من تاني
هعمل كام مشوار كده
رنا بقلق
ايه هما !
غمزتلها بمشاكسه
فاكره مستر نوح
بصت قدامها بغيظ
طبعا وهو يتنسي مش قادره افهم لحد دلوقتي ليه منعنا أننا نحضر الحصص بتاعته
عيوني لمعت بالدموع وانا بفتكر كلامه
عشان زي ما قولتلك انا حكيتله
بس ده مش مبرر أنه يمنعنا أبدا !
مش مهم دلوقتي المهم اني اروح أقابله
ليه ياكنزي فهميني اللي في دماغك
ابتسمت
اصل هو اليوم ده قالي ابقي قابليني لو ډخلتي كليه الطب
بصتلها وانا ببتسم ابتسامه صفراء
واهو رايحه أقابله
مسكت ايدي وهي بتبتسم بتشجيع
انا فخوره بيكي اوي
ربنا يديمك ليا لولا وجودك ووقوفك جنبي انا كنت فعلا هنهار
مفيش حد يستاهل نقع أو نفشل عشانه
صح
وصلت قدام السنتر اللي بيشتغل فيه ونزلت انا ورنا من العربيه ودخلنا سألنا عنه قالولنا انه في مكتبه
رنا وهي بتضغط علي ايدي وبتطمني
انا هستناكي هنا
هزيت راسي بتوتر
لا تعالي معايا
توء خليكي شجاعه وواجهيه وعرفيه انك مش فاشله يلا
اخدت نفس عميق وانا بخبط الباب
ثواني وسمعت صوته بيسمحلي بالدخول
فتحت ودخلت وقلبي بيدق بسرعه وخوف
اول ما شافني قام وقف وهو بيبصلي وقال بجمود
كنزي
بلعت ريقي ورديت بصوت مهزوز
ا ازيك
رفع حاجبه ببرود
كويس خير اتفضلي
حسيت أن شجاعتي في الوقت ده وكل الكلام اللي كنت محضراه اتبخر حرفيا !!
خرج من ورا مكتبه وقرب مني لحد ما وقف قدامي
سامعك
بلعت ريقي وحاولت استجمع شجاعتي
انا ا انا
انتي ايه ياشطوره
رديت بسرعه وانا بفرك ايدي بتوتر
انا دخلت كليه الطب
ابتسم ابتسامه جانبيه وهو بيربع
