يوميات مراهقه بقلم إيمان شلبي
انا اسفه يامستر بس
اطلعي برا انتي وهي
رنا بتوتر
احنا اسفين يامستر نوعد حضرتك انها تكون اخر مره والله
زعق فينا بعصبيه وهو بيرمي القلم علي الارض
قولت برررررررا
طلعنا انا وهي واحنا بنجري من القاعه بأحراج ودموع
والله ما هعديله اللي عمله ده هخليه يندم أنه زعقلي
رنا بقلق وعيونها حمراء من كتر الدموع
هتعملي ايه
بصيت حوليا وانا بفكر وفجأه لمحت عربيته
بصتلها بعيون بتلمع بشړ
هعمل كل خيررر
قولت جملتي وطلعت اجري عليها وهي بتجري ورايا پخوف
هتعملي ايه يامجنونه استني
بعد مرور خمس دقايق
رنا وهي بتحط ايديها علي بوقها
يانهار مش فايت ايه اللى انتي بتقوليه ده لا طبعا استحاله اعمل كده في عربيه الراجل !
بصيت للعربيه بفخر
ياستي عادي وبعدين مش خساره في طيبه قلبه
انتي عارفه لو شاف خدش واحد في عربيته هيعمل فيكي ايه
رديت بلا مبالاه
وهو هيعرف منين أنه انا
علي أساس أنه مش هيستنتج يعني أنك انتي اللي عملتي كده
بقولك ايه يعمل اللي يعمله انا مش بخاف من حد اصلا انا لا بحبه ولا بحب الحصص بتاعته ولا بحب الماده بتاعته
اه
بني آدم مغرور وشايف نفسه
رنا وهي بتبص ورايا ووشها كله اصفر
كنزي
هو يعني عشان البنات بتجري وراه وبتتغزل في جماله مفكر نفسه اخر قطعه في الكيمو كونو !
ك كنزي
طب علي فكره بقي مش حلو وودانه شبه القرد و بيجعر زي الحمار
حمار
ضحكت بذهول
ايه ده انتي بتعرفي تقلدي صوته
كانت علي وشك انها ټعيط وهي بتشاورلي بعنيها اني ابص ورايا بس انا اللي غبيه ومكنتش فاهمه
مالك يابنتي في ايه
ا احم كنزي ا اصل ا اصل
اصل ايه يابنتي
لقيته مره واحده ظهر قدامي وهو بيبتسم ابتسامه صفراء
مساء الخير يافندم اصل الحمار كان واقف وراكي كنتي بتقولي ايه بقي عشان مسمعتش كويس
بلعت ريقي بصعوبه وانا برجع خطوه لورا وبهمس پخوف
جالك المۏت ياتارك الصلاه
وفجأة عيني احولتوحسيت بطشاش وصداع رهيب وغمضت عيني وانا بستسلم لفقدان الوعي
فتحت عيوني ببطئ ولفيت راسي لقيته قاعد علي كرسي وحاطط رجل علي رجل وهو بيبصلي بملامح خاليه من اي تعبير
اتنفضت من مكاني وانا ببص حوليا پخوف
انا فين
رد بجمود
في المستشفي
بلعت ريقي وانا ببص علي المحلول اللي كان متعلق في أيدي
ل لو سمحت خليهم يجوا يشلولي المحلول ده انا عايزه امشي
هز رأسه ببرود
مفيش خروج الا لما المحلول يخلص
بس انا عايزه امشي
وانا قولت لا
اتعصبت وانا ببصله پغضب
انت ملكش حكم عليا
لا ليا
بمناسبه ايه أن شاء الله ليك اخويا ابويا خطيبي جوزي!!!
ميمشيش معاكي مدرسك وبيعتبرك اخته الصغيره وخاېف عليكي
عيوني لمعت بالدموع
اه بأماره لما زعقلتي واحرجتني قدام الطلاب كلهم
اتنهد تنهيده طويله وهو بيبصلي بأسف
اسف
هه
بقولك انا اسف
حطيت عيني في الأرض بأحراج وانا بفرك ايدي بتوتر
ا انا ا انا كمان اسفه علي الكلام اللي قولته
ابتسم بهدوء
اسفك مقبول
انت ازاي كده
كده اللي هو ايه
انت ا انت طلعت شخص طيب ولطيف وجنتل و
قاطعني بأحراج
ا احم انا خارج برا شويه وراجعلك
عيطت وانا بهز راسي بنفي
لا ارجوك خليك معايا
رد بقلق
انتي بټعيطي ليه
عشان زعلانه اوي
قعد علي طرف السرير وهو بيبص في عيوني بحزن
ايه رأيك تعتبريني اخوكي الكبير وتحكيلي
سكت لحظه وانا ببصله بحيره وبعدها هزيت راسي بدموع
هحكيلك
.........................................................
سكوتك عن ما لا يرضيك
تنازلاتك الأولى
تغاضيك عن ما أتعبك
إخفاءك لرفضك
تحملك كتمانك
جميعها صلابة لم تؤلم أحدا سواك.
كان اكتر اقتباس شوفته قادر يعبر عن كل الكلام المكتوم جوايا
بالرغم اني حكيت كل اللي جوايا لنوح إلا أني مرتحتش علي الاطلاق
